Guden morchn ihr Schdammdischler.
Am Freidach warn mer ja widder in Eiblschdad in der Mühl. Schö wars widder.
Diesmol warn mer im Wintergardn. Da isses viel schönner als neulich vorne im Gasdraum.
Die Wirdsleud ham diesmol a des Feuer ogschürd damid uns schö warm wor
Der Manni hod gsochd dass es ihm es ledzde mol gfrore had. Des wolle mer nimmer
Mir ham widder legger gesse. Jedzd gibds ja widder den gude frängische Schbarchl. Olle warn mit dem Ässe sehr zufriede. Olle Deller ware leer gebudzd. Guds Bier und Schobbe gabs a widder jede Menge. Diesmol für mich sogar nid Bleifrei, weil ich hob (genauso wie die Annede und der Manni) unser Mobilheim dabei kabbd.
Der Obelix is dann a besichdigd worn. Volle Hüdde! Fasd olle warn im Obelix. Leider hab i davon kä Bild
Schbäd in der Nochd simmer (Annette, Manni und ich) dann am Mee in unsere Schneggehäusli gegrabbld.
Für mich wor des die erschde Nochd im Obleix! Ich hob gschloffe wie ä Bär!!! Schö warm wors. Die Heizung gehd
Die nächsdn Dermine wibds dann in der Whatsappgruppe und hier.
Ä schönne Woche
Euer Hirde
P.S wer des jedzd nid läs konn, had Bech kobbd! Allä die Schreiberei is der Hammer